තට්ටු ගෙවල් සහ නීතිය
X නමැති පුද්ගලයාට ඉඩමක් තියනව. X ඒ ඉඩමේ තට්ටු පහක බිල්ඩිමක් ගහනව. හැම තට්ටුවකටම වෙන වෙනම ලයිට් බිල්, වතුර බිල් හදා ගන්නව. දැං මේ හැම තට්ටුවක්ම වෙන වෙනම ඒකක නිසා තට්ටු පහට වෙන වෙනම ඔප්පු ලියන්න උනත් පුලුවන් කියල තමයි X හිතාගෙන ඉන්නෙ. සාමාන්‍ය නීතියෙ නම් එහෙම එකක් නෑ. සෑම සාමාන්‍ය ඔප්පුවකම " ..විශාල බිම් කොටස සහ ඊට අයත් ගහකොළ, පළතුරු, ගොඩනැගිලි ඇතුලු සෑම සියලු දේත් ඇතුළත්ව " කියල තමයි සඳහන් වෙන්නෙ. ඒ කියන්නෙ මොකක්ද..? භූමිය අයිති පුද්ගලයට සෑම සියලු දෙයක්ම අයිතියි. හැබැයි ලෝකෙ දියුණු වෙනකොට නීතියත් දියුණු වෙනව. අන්න ඒ නිසා තට්ටු නිවාස සහ ඒ හා සමාන වෙනත් ගොඩනැගිලි ලියාපදිංචි කරන්න වෙනම ක්‍රමයක් තියනව. ඒ කාර්යය සඳහා සහාධිපත්‍ය කළමනාකරණ අධිකාරිය නම් වෙනම ආයතනයක් සංස්ථාපනය කරල තියනව. එක් පුද්ගලයෙකුගේ වහල තවත් පුද්ලයෙකුගේ පොළොව බවට පත්වෙන මෙම ක්‍රියාවලිය හරිම රසවත්. නමුත් තරමක් සංකීර්ණයි.
.jpg)